Hlynur Hallsson

Þennan dag fyrir 50 árum, þann 13. ágúst árið 1961 var hafist handa við að byggja einhvern þann heimskulegasta múr sem byggður hefur verið. Múr til að múra inni fólkið í eigin landi. Múr sem skipti Berlín í tvennt og umkringdi í raun vesturhluta borgarinnar. Á þeim rúmu 28 árum sem þetta ömurlega mannvirki stóð voru 136 Austur-Þjóðverjar drepnir við að reyna að komst yfir eða undir múrinn.
Sem betur fer var þessi múr rifinn niður í friðsamri byltingu sem framkvæmd var af venjulegu fólki í Austur-Þýskalandi. Og sem betur fer voru stjórnvöld á þeim tíma nægilega skynsöm til að átti sig á að þessi múr og sú einangrun sem hann hafð í för með sér væri tímaskekkja.
En frá því að Berlínarmúrinn var rifinn niður hafa aðrir múrar verið byggðir, hærri og enn ömurlegri. Með dyggum stuðningi hafa stjórnvöld í Ísrael byggt risamúr og múrað inni íbúa Palestínu. Þar eru framin mannréttindabrot á hverjum degi á venjulegu fólki, konum, körlum og börnum. Og vesturveldin horfa á og gera lítið eða ekkert eða styðja jafnvel ógnarstjórnina í Ísrael með háum fjárframlögum og vopnum.
Það er kaldhæðnislegt.

Nánar: Die Zeit

Berliner Zeitung
Der Spiegel

- Nýr forstjóri Norðurorku er sammála Andra Snæ og var á móti Kárahnjúkavirkjun. (Í viðtali við AKUREYRI Vikublað)
- Stóra systir, Landsvirkjun (sem gjarnan var kölluð Illvirkjun í tíð Friðriks Sophussonar) segist ekki ætla að virkja fyrir fleiri álver.
- Breskir dómstólar viðurkenna að starfsemi bresku lögreglunnar við njósnir á náttúruverndarsinnum voru ólöglegar.

Þessar þrjár staðreyndir segja okkur að heimur batnandi fer og að það er, eftir allt saman, eitthvert réttlæti til í heiminum.

Ég tilheyri minnihlutahópi í útrýmingarhættu, hópi sem verður fyrir sífelldum árásum. Við verðum fyrir árásum frá hommum og femínistum sem eru að ofsækja okkur. Bara af því að við erum hvítir, gagnkynhneygðir, í jakkafötum, hægrisinnaðir og eigum peninga.

Því eins og Jón Magnússon “hæstaréttarlögmaður og fyrrverandi alþingismaður Sjálfstæðisflokks.” (sbr. kynningu á bloggi.) segir: “Ef til vill væri rétt að hann <sem sagt, hvíti karlmaðurinn> gengi með gula stjörnu til aðgreiningar frá almennilegu fólki eins samkynhneigðum og femínistum.”

Einmitt, hættið að níðast á okkur, vondu femínistar og hommar.

Sumir eru ekki enn búnir að átta sig á því að bensínverð er ekki að fara að lækka, enda væri það afar óeðlilegt. Í raun ætti olíuverð að vera mun hærra sé miðað við það að þessi auðlind er senn á þrotum.
Það er gott að bílaumferð minnkar. Það dregur úr sliti á vegum, minnkar mengun og fækkar umferðarslysum. Sparar samfélaginu sem sagt stórar upphæðir.
Ótrúlegasta fólk dettur samt í eitthvert lýðskrum um að nú þurfi að lækka bensínverð og að ríkið þurfi að lækka álögur sínar. Samt er bensínverð hér lægra en í flestum nágrannalöndum okkar. Og þetta hjal er afar vinsælt. En hvernig væri að fólk sparaði nú við sig aksturinn, sameinaðist í bíla og nýtti sér almenningssamgöngur eða hjólaði og labbaði þegar það hentar? Sem betur fer hefur orðið viðhorfsbreyting í samfélaginu og síður eins og samferða.is blómstra. Þess vegna er heldur leiðinlegt að hlusta nöldrið í fulltrúum blikkbeljunnar á hverjum degi í flestum fjölmiðlum landsins. Þeir þurfa að taka sér tak.